Flieks waarvoor ons nie kan wag nie!

 

 

Teen hierdie tyd behoort julle te weet dat MI verslaaf is aan basies als, maar een van die groter verslawings is flieks! Meer spesifiek? Flieks wat oorspronklik boeke was! MI het 'n lysie saamgestel van flieks waarna ons uitsien wat gebasseer is op boeke. (So maak seker jy lees die boeke voordat jy jou voete sit in Ster Kinekor... Ons almal weet die boek is beter is die fliek!)

 

The Fault in Our Stars

The Fault in Our Stars (wat geskryf is deur John Green van die vlogbrothers: youtube.com/vlogbrothers) is die perfekste boek in die geskiedenis van

tienerdom en die I van MI is nie skaam om te erekn dat sy vir 'n maand lank gehuil nadat sy die boek klaargemaak het nie. Die storie handel oor Hazel Grace, 'n long- kankerpasiënt, wat vir Augustus Waters ontmoet. (Augustus het 'n ruk terug herstel van kanker). Needless toe sy ontaard dit in 'n liefdesverhaal ('n epic een). Die ding wat hierdie boek so perfek maak is dat dit nie 'n boek oor kanker is nie, dis 'n boek oor liefde en kanker is toevallig in die prentjie. DIS PERFEKSIE.

Shailene Woodley gaan die rol van Hazel vertolk en Ansel Elgort. As jy van The Perks of Being a Wallflower gehou het sal jy mal wees hieroor.

Wees gewaarsku hierdie sal die epicste boek wees wat jy in jou lewe lees en dus die epicste fliek wees wat jy ooit sal sien.

 

Divirgent

MI voorspel dat hierdie fliek die nuwe Hunger Games gaan wees.

Beatrice Prior is se wêreld is verdeel in 5 karaktereienskappe: Candor (the honest), Abnegation (the selfless), Dauntless (the brave), Amity (the

peaceful), en Erudite (the intelligent). Wanneer mense 16 jaar oud word moet hulle besluit in watter een van hierdie eienskappe hulle gaan spesialiseer. Beatrice is egter 'n rebel en glo nie dat mense gedwing kan word om net een eienskap te kies nie...

Hierdie boek (geskryf deur Veronica Roth) was vir weke lank op die New York Times Bestseller list en het groot buzz veroorsaak.

Toevallig is die rolverdeling identies aan The Fault in Our Stars s'n. Shailene Woodley gaan die rol van Beatrice vertolk... maar Ansel Elgort gaan in Divirgent haar boetie speel.

Glo my as ek sê dat jy nie hierdie een sal wil misloop nie!

 

Catching Fire

As jy nie weet wat Catching Fire is nie stel ek voor jy verhuis na Mexico, verander jou naam na

Pepito en begin 'n taco-stalletjie. Ek is jammer maar ek het niks om verder vir jou te sê nie.

As jy nou nog nie die eerste Hunger Games fliek gekyk het nie- kyk dit. As jy nogsteeds nie al 3 die boeke gelees het nie- lees dit. Doen jouself en die res van die mensdom 'n guns. Ek meen komaan, dis net iets wat mens moet doen!

 

Percy Jackson and The Sea of Monsters

Volgens wat ek kon bymekaarskraap op die wêreld van die internet, is dit wat ons weet van Percy Jackson:

Dis veronderstel om net so goed soos The Hunger Games te gewees het.

Die boeke val in dieselfde klas as The Hunger Games, Twilight en Harry Potter.

Die boeke was perfek.

Die fliek was suckish en niks soos die boeke nie.

Die hard fans hou duim vas dat die tweede fliek asseblief tog net soos die boek sal wees en actually goed sal wees hierdie keer.

Met die bogenoemde inligting kan jy nou 'n ingeligte besluit neem of jy jouself gaan oorgee aan die Percy Jakson fandom. Dit is al.

The Mortal Instruments: City of Bones

Hierdie was ook 'n topverkoper boek, maar ongelukkig weet ek niks daarvan nie. Die titel is waaayyy creepy so ek is nie eintlik van plan om dieper daarin te delf nie. Maar hey, as dit jou tipe ding is, go for it! Lily Collins gaan in die fliek wees, so dalk sê dit iets.

Ek weet nie. (Ek voorspel wel dat hierdie 'n treffer gaan wees in die box office!)

 

World War Z

 

Nou hierdie fliek lyk EPIC! As jy nog nie die voorprent gesien het nie kliek hier om dit te kyk. Hierdie fliek bevat twee van my gunsteling dinge: Brad Pitt en die Zombie Apocolypse. Soos jy kan sien in die epicness van die voorprent is hierdie fliek baie soos die fliek 2012. Die wêreld vergaan en die mensdom is in 'n toestand van panic. Ek kan nie wag nie!

 

Jy sal defintief vir MI voor in die ry sien by die screenings van die meeste flieks wat hier genoem is! Waarna sien jy die meeste uit?

 

Tot wedersiens!

MI