WENNERS!

Hier is die wenners van ons Violetta kompetisie in samewerking met Disney!

 

Etresia van der Merwe

Jeanri Myburgh

 

Baie geluk julle!

 

Disney sal julle pakkies met julle pryse vir julle stuur!

Hou MI Watch dop vir nog opwindende kompetisies in die toekoms!

 

Tot wedersiens!

MI

WEN WEN WEN!

Disney Channel mag dalk net die beste ding wees wat bestaan. Wie wil nou NIE 'n kanaal hê wat dedicated is aan TV reekse vir kinders nie?! (Ja, ons is 17 jaar oud. Ja, ons kyk nogsteeds Disney Channel... DIS LEKKER OKAY!)

 

Een van die reekse op Disney Channel is Violetta. Die reeks trek al in sy tweede seisoen, waarvan die tweede helfte binnekort op die lug gaan wees. Dit gaan oor 'n meisie (wie se naam Violetta is.. duh!) wat 'n passie het vir musiek en mode... Nes ons! Gaan lees maar net ons MI-siek en FBI artikels onder die MI Specials tab as jy meer wil weet daaroor. ;)

 

Die nuwe Violetta episodes het op 19 Januarie op Disney Channel (DSTV Kanaal 303) begin wys! Maak seker jy kyk dit... Ons gaan beslis!

 

Martina Stoessel, Carla Pandolfi en Mercedes Lambre het al 3, nes hulle karakters Violetta, Esmerelda en Ludmila in die reeks, hulle eie unieke style, (Waaroor ons natuurlik mal is!)

 

Martina is beslis een van die gelukkigste meisies in die wêreld, volgens ons. Sy het onlangs na Violetta verpligtinge en ons moet sê... Ons is jaloers! Frankryk, Italië en Spanje klink soos ons droomvakansie! Sy moet ook deur die weird ervaring gaan dat die dele waarin sy praat in die reeks, opgeneem word in iemand anders se stem in die taal van watookalse land die reeks dan op die lug verskyn. Martina sê dat sy die aktrise ontmoet het wat haar stem doen in die Italiaanse weergawe van die reeks en toe sy hoor hoe iemand anders se stem by haar mond uitkom was dit baie snaaks.
Europa toe gegaan vir haar

 

Martina sê: "Ek is 'n groot aanhanger van mode! Ek is mal daaroor! Ek is mal daaroor om op te dress in verskillende uitrustings en my styl te verander waneerookal ek anders wil wees. Mode is soveel pret."

Ons kan nogal imagine dat sy in mode-hemel is elke keer dat sy die rol van Violetta vertolk! "Ons het 'n fantasiese mode-afdeling op die Violetta stel en ek dink hulle het 'n fantasiese werk met die klere gedoen. Die wardrobe het baie persoonlikheid en elke uitrusting reflekteer die eienskappe van die karakters wat dit dra. Die mode is regtig baie

great!" sê Martina.

Martina, as ons 'n hele kamer vol mense gehad het om ons ongelooflike outfits te gee, sou ons ook so gelukkig soos jy gewees het!

 

Ons sal in die week 'n paar mode tips wat Martina het op die blog sit!

 

Soos ons reeds genoem het, speel mode 'n groot rol in Violetta. Baie
van die program se kykers verkry inspirasie van die karakters en dollie sodoende hulle eie klerekaste op! Violetta se sterre is dus alreeds volwaardige MODE-IKONE!

Carla Pandolfi wat die rol van Esmerelda vertolk noem dat 3 dinge wat 'n abosolute MOET is vir jou
klerekas, is: 'n lekker paar jeans, swart skoene (want swart pas by alles) en dan natuurlik 'n gemaklike en mooi bloes!

Mooi klere is egter nie die enigste deel van mode nie, grimering speel net so 'n groot rol! "'n Goeie maskara is my geheime wapen wanneer dit kom by grimering," meen Carla. Maak egter seker dat jy altyd sonbrand aanhet wanneer jy buite is want velsorg moet jou nommer 1 prioriteit wees!

Violetta is 'n program wat soveel vir sy kykers bied, van drama, liefde, avotuur en vriendskap, tot mode, grimering en stileringswenke. Maak seker jy mis nie die nuwe Violetta episodes nie en MAAK SEKER JY SKRYF IN VIR ONS KOMPETISIE! Lees verder vir meer oor MIWatch se Wen met Violetta...

 

WEN WEN WEN!

 

Twee gelukkige MI Watch lesers kan elkeen 'n Violetta geskenkpak wen! Dit sluit 'n rugsak, 'n Violetta kalender, 'n Violetta notaboek en Violetta grimeersakkie in!

Hier is hoe jy kan inskryf:

 

1) Stuur 'n epos na miwatchers@gmail.com

2) Die epos moet die volgende bevat:

Jou naam van

Jou posadres

Antwoord die volgende vraag: Wat is jou gunsteling modestuk in jou klerekas?

3) Maak die "Title" van die epos: MI WATCH VIOLETTA
 

Jy kan soveel keer as wat jy wil inskryf!

Die wenners sal bekend gemaak word op 26 Januarie.

 

Tot wedersiens!

MI

 

 

Die Awesome Dinge van Onlangs

Hier het 'n paar baie interessante dinge gebeur die afgelope tyd. Wie sal ons wees as ons julle nie inlig daaroor en ons geadgtes deel nie? LAME BLOGGERS! Dis wat! So in ons quest om nie lame te wees nie... Hier is 'n paar dinge wat in die afgelope tyd gebeur het:

 

Sia se Elastic Heart

Sia sing een van die coolste liedjies ooit, Chandelier, (wat Mieke onder geen omstandighede kan ophou sing nie). Die musiekvideo van Chandelier het vir Maddie van Dance Moms ingehad wat een of ander weird interpretive dans gedoen het (waaroor ons mal was!). Sia het nou die musiekvideo vir haar volgende single, Elastic Heart vrygestel en ... Wel... Dis nogals weird op 'n "ek voel baie ongemaklik" manier. Dit het weereens vir Maddie in, maar hierdie keer saam met Shia LaBeauf wat saam met haar dans. Die twee is in een of ander staalhok ding vasgevang en hulle probeer uitkom (neem ek aan? Wie weet.)

In plaas daarvan om vir julle die musiekvideo te wys, wil ons eerder vir julle Grace Helbig, Hanna Hart en Mamrie Hart se reaksie daarop wys, want ek voel dis hoe ons almal gereageer het toe ons dit die eerste keer sien.

(Wees gewaarsku, hier is vloekwoorde in, maar dis uitgeblieb).

 

 

Die Golden Globes

Julle behoort al teen hierdie tyd te weet dat ons OBSESSED is met award shows! Red carpets is die rede hoekom ons opstaan elke oggend en akward acceptance toesprake is ons heel gunsteling ooit.

Die eerste fancy schmanzy awards show van die seisoen was die Golden Globes. (Ons tel nie die people's Choice Awards nie, want dit is soos die grootmens weergawe van die Kids' Choice Awards).

Party van die modes was ON POINT en ons was net soos YAAASSSS! MATRIEKAFSKEIDROK! YAAASSSS!

Hier is van ons gunsteling modes by die Golden Globes:

Emily Blunt

Emma Stone

Lupita Nyong'o

Ontgroening

Ons weet 'n hele paar van julle word ontgroen in hierdie week wat skool weer begin, so ons wil vir julle 'n paar tips gee. (Ons is al hierdeur so ons weet waarvan ons praat!)

Die beste manier om iets soos ontgroening te oorleef is om vir jouself te lag. Moenie skielik begin twyfel wie jy is, of verneder raak, kwaad raak of hartseer raak nie. Ontgroening is veronderstel om vir die pret te wees.

Ja, ons weet dis nie altyd lekker nie. Ons moes al 'n paar dinge doen wat ons NIE weer sal wil doen nie, maar... embrace dit! As jy vir 'n klip 'n naam moet gee en maak asof dit jou troeteldier is... Doen dit! En lag vir jouself as dit verby is!

Onthou egter altyd dat as jy aangesê word om iets te doen wat jy fisies of emosioneel nie kan nie of wat skadelik is vir jou, jy mag NEE sê!

 

Laat weet ons van dinge wat JOU opgewonde gemaak het in die laaste ruk!

 

Tot wedersiens!

MI

Welkom by 2015!

Liewe lesers….2015 is hier. Ons kan dit nie glo nie! Dit voel of ons net gister die koms van 2014 gevier het en hier is ons alweer ‘n jaar later. Dit klink seker soos iets wat jou ouers sal sê, maar dit voel regtig asof elke jaar net vinniger verby vlieg. Dalk is dit omdat ons ouer word, of wyser of whatever, maar dis nogals scary. Voor ons ons oë uitvee moet ons ons eie water en elektrisiteit rekeninge betaal! Ok…al die filosofiese woorde opsy…hier is volgens ons in 2015 net moet gebeur:

Ons moet vir One Direction ontmoet. Ek weet nie hoe ons dit gaan regkry nie, maar dit is net iets wat moet gebeur, want as dit nie gebeur nie, gaan die lewe ‘n absolute ramp wees!

Ons moet boyfriends kry…verkieslik superhot celebrities wat toevallig ons awesome Twitter page gesien het en toe hals oor kop verlief op ons geraak het! As jy  ons nie volg op Twitter nie, doen dit sommer nou, @MIWatchers…Het jy dit gedoen? NIE?!… DOEN DIT!!!!!

Ons moet platgeslaan word deur die awesomeness van epic flieks! Daar kom so baie cool flieks uit in 2015. Insurgent, Mockingjay Part 2, The Scorch Trails, Paper Towns en The Avengers: Age of the Ultron! So baie epicness is net te awesome om te hanteer!

Ons moet cool boekwinkels ontdek en baie flippen fantastiese boeke lees! Lees is net die beste ding om te doen…soos in ooit! Daarom moet 2015 DIE jaar van lees epicness wees!

 Ons moet nuwe byvoeglike naamwoorde uitdink om cool goed te beskryf want ons gebruik dieselfde goed oor en oor en oor…

Ons moet op spontane uitstappies gaan, konserte kyk en roadtrips beplan! Die lewe is te kort om net in een plek vasgekeer te wees! Hierdie is dalk meer van ‘n langtermyn doelwit  maar dis beslis ‘n MOET!

Ons moet alles wat gebeur awesome maak, want net onsself kan van 2015 ‘n onvergeetlike jaar maak!

Dankie vir al julle ondersteuning deur 2014 liewe lesers! Julle is awesome! Laat weet ons wat jy graag wil doen in 2015 en wat jy graag hier op MI Watch in die nuwe jaar wil sien! 2015 HIER KOM ONS!

 

Tot wedersiens!

MI